တစ်ကြိမ်မှာတစ်ခု
ကျွန်တော်မိတ်ဆွေတစ်ယောက်က လူသူရှင်းလင်းသော မက္ကဆီကို ကမ်းခြေတစ်နေရာမှာ သူ့အတွေ့အကြုံအဖြစ်အပျက်တစ်ခုကိုပြောပြသည်။
နေဝင်ဆည်းဆာအချိန် ကမ်းခြေမှာသူတစ်ယောာက်တည်းလျှောက်သွားနေရင်းက ဟိုးအဝေးဆီမှာလူတစ်ယောက်လှမ်းမြင်ရသည်။နည်းနည်းနီးလာတော့ဒေသခံ တစ်ယောက်ဖြစ်ကြောင်းသတိပြုမိသည်။ သည်တစ်ယောက်က ကမ်းခြေသောင်စပ်မှာ ကုန်းကုန်း ကုန်းကုန်းနှင့်သွားနေရာက တစ်စုံတရာကို ငုံ့ကောက်ကာ ပင်လယ်ရေထဲ လွှင့်ပစ်သည်။သည်နောက်အဲဒီလိုဘဲ နည်းနည်းလျှောက်သွားလိုက် တစ်ခုခုတွေ့လျှင် ကောက်ယူလိုက် လွှင့်ပစ်လိုက်လုပ်နေသည်။
သူ့အနားရောက်သွားပြီးသေသေချာချာ ကြည့်တော့လှိုင်းနှင့်ပါလာပြီး သဲသောင်ပြင်ပေါ် တင်ကျန်နေသည့် ကြယ်ငါးတွေကိုရေထဲပြန်ပစ်ထည့်နေခြင်း ဖြစ်ကြောင်းသိရှိရသည်။
သည်လူဘာရည်ရွယ်ချက်နှင့်လုပ်နေသလဲ စဉ်းစားမရဖြစ်သွားသည်။သို့နှင့်သူ့ကိုနှုတ်ဆက် ပြီးတည့်တည့်ပင်မေးကြည့်သည်။
ထိုသူကပြောသည် ကြယ်ငါးတွေသမုဒ္ဒရာထဲပြန်ပို့ပေးနေတာလေ၊
ခင်ဗျားမြင်တဲ့အတိုင်းဘဲ ၊ အခုဒီရေကျချိန်သောင်ပြင်မှာ တင်ကျန်ခဲ့တဲ့ ကောင်တွေဟာ ရေတက်တဲ့အချိန်ရောက်အောင်အကြာကြီး စောင့်နေရမှာ
ဒါပင်မဲ့ အဲဒီလောက်ကြာရင်အောက်ဆီဂျင်ပြတ်ပြီးသေမှာပဲ ဟုပြောလေသည်။
ဟုတ်ကဲ့အဲဒီလောက်တော့ ကျွန်တော်လည်းသဘောပေါက်ပါတယ် ဟုကျွန်တော်မိတ်ဆွေကပြန်ပြောသည်။ ကျွန်တော်မိတ်ဆွေကပင်ဆက်ပြီး
ဒီကမ်းခြေတစ်လျှောက်မှာ ကြယ်ငါးတွေထောင်ချီပြီးရှိနေမှာပေါ့ဗျာ
အဲဒီကောင်တွေအားလုံးခင်ဗျားဘယ်လိုလိုက်ကောက်မလဲ တစ်ယောက်တည်း မနိုင်နိုင်ဘူးလေဗျာ ၊ပြီးတော့စဉ်းစားကြည့် ဒီကမ်းရိုးတမ်း တစ်လျှောက် လုံးဆိုရင်အခုလိုသောင်ပြင်ပေါင်းရာနှင့်ချီရှိမှာပေါ့။ဒီသောင်စပ်တိုင်းမှာ ရှိတဲ့ကြယ်ငါးတွေဘယ်လိုလုပ်မလဲ၊ သူ့သဘာဝနှင့်သူဖြစ်နေတာ ခင်ဗျားတစ်ယောက်ကြောင့်ဘာတွေထူးခြား ပြောင်းလဲသွားနိုင်မလဲ. . .
ဒေသခံပုဂ္ဂိုလ်ကပြုံးသည်။ နောက်ထက်ကြယ်ငါးတစ်ကောင်ကောက်တယ်။ ထို့နောက်
အခြားကောင်တွေအတွက်မထူးခြားပေမယ့် ဟော့ဒီကြယ်ငါးတစ်ကောင်အတွက် ထူးခြားသွားတာပေါ့ဟုဆိုကာ ပင်လယ်ရေထဲ လှမ်းပစ်ထည့်လိုက်လေသည်။
(ဒီရသစာစုလေး ဟာဆရာဖေမြင့်ရဲ့ နှလုံးသားအာဟာရ စာအုပ်မှာ ဖတ်ရလို့ နှစ်သက်ပြီး ပြန်လည်ရေးသားဖေါ်ပြလိုက်တာပါ ။ ဒိစာစုလေးကိုဖတ်ရင်းကျွန်တော်လည်း တစ်ခုတွေးမိတယ် ကျွန်တော်တို့ နိုင်ငံ ၊ ကျွန်တော်တို့မြို့ ကျွန်တော်တို့ ရပ်ကွပ် တွေမှာ ပညာမသင်ကြားနိုင်တဲ့ကလေးတွေ၊ အဝတ်အစားချို့တဲ့ သည့်လူတွေ ထမင်းကိုနပ်မှန်အောင်မစားနိုင်တဲ့သူတွေ အများကြီးရှိနိုင်ပါတယ် အဲဒီလူတွေအများကြီးထဲက တစ်ယောက်ယာက်ဖြစ်ဖြစ် နှစ်ယောက်ဖြစ်ဖြစ် ကိုယ်တက်နိုင်သလောက် ကူညီးပေးကမ်းနိုင် မယ်ဆိုရင် ထိုစာစုလေးထဲကလိုပဲ
တစ်ကြိမ်မှာတစ်ယောက် ပေါ့)
No comments:
Post a Comment